ଭୁବନେଶ୍ୱର- (ବିରେ ରିପୋର୍ଟ ଶ୍ରୀ ନ୍ୟୁଜ) ୧୨/୧୦: ଓଡ଼ିଶାର ରାଜନୈତିକ ଏବଂ ପ୍ରଶାସନିକ କ୍ଷେତ୍ରରେ ଏକ ବଡ଼ ପରିବର୍ତ୍ତନ ଦେଖିବାକୁ ମିଳିଛି। ଶ୍ରୀ ବ୍ରଜ ମୋହନ ରାମଙ୍କୁ ଓଡ଼ିଶାର ନୂତନ ରାଜ୍ୟପାଳ ଭାବେ ନିଯୁକ୍ତ କରାଯାଇଛି। ରାଷ୍ଟ୍ରପତି ଦ୍ରୌପଦୀ ମୁର୍ମୁ ଦେଶର ଛଅଟି ରାଜ୍ୟରେ ରାଜ୍ୟପାଳଙ୍କ ନିଯୁକ୍ତି ଏବଂ ବଦଳି ପ୍ରକ୍ରିୟାରେ ଏହି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛନ୍ତି। ବର୍ତ୍ତମାନର ରାଜ୍ୟପାଳ ଡକ୍ଟର ହରିବାବୁ କମ୍ଭମପାଟିଙ୍କ ସ୍ଥାନରେ ଶ୍ରୀ ରାମ ଏହି ସାମ୍ବିଧାନିକ ପଦବୀର ଦାୟିତ୍ୱ ଗ୍ରହଣ କରିବାକୁ ଯାଉଛନ୍ତି। ନୂଆ ରାଜ୍ୟପାଳଙ୍କ ଶପଥ ଗ୍ରହଣ ପରେ ସେ ଆନୁଷ୍ଠାନିକ ଭାବେ କାର୍ଯ୍ୟଭାର ସମ୍ଭାଳିବେ।ଓଡ଼ିଶାର ନବନିଯୁକ୍ତ ରାଜ୍ୟପାଳ ବ୍ରଜ ମୋହନ ରାମ ଜଣେ ଅତ୍ୟନ୍ତ ଅଭିଜ୍ଞ ରାଜନେତା ଏବଂ ଭାରତୀୟ ଜନତା ପାର୍ଟି ର ଜଣେ ବରିଷ୍ଠ ନେତା। ସେ ପୂର୍ବରୁ ଝାଡ଼ଖଣ୍ଡର ପଲାମୁ ଲୋକସଭା ଆସନରୁ ସାଂସଦ ଭାବେ ସଫଳତାର ସହ କାର୍ଯ୍ୟ କରି ଜନସେବା କରିବାର ସୁଦୀର୍ଘ ଅଭିଜ୍ଞତା ହାସଲ କରିଛନ୍ତି। ତାଙ୍କର ଏହି ଦୀର୍ଘ ପ୍ରଶାସନିକ ଏବଂ ରାଜନୈତିକ ଅଭିଜ୍ଞତା ଓଡ଼ିଶାର ପ୍ରଶାସନିକ ଏବଂ ବିକାଶମୂଳକ ଯୋଜନାଗୁଡ଼ିକୁ ଆଗକୁ ନେବାରେ ବିଶେଷ ସହାୟକ ହେବ ବୋଲି ଆଶା କରାଯାଉଛି। ଶ୍ରୀ ରାମଙ୍କୁ ଏହି ନୂତନ ଦାୟିତ୍ୱ ମିଳିବା ପରେ ଉଭୟ ଝାଡ଼ଖଣ୍ଡ ଓ ଓଡ଼ିଶାର ରାଜନୈତିକ ମହଲରେ ଖୁସିର ଲହରି ଖେଳିଯାଇଛି। ରାଷ୍ଟ୍ରପତି ଭବନ ପକ୍ଷରୁ ଜାରି ହୋଇଥିବା ବିଜ୍ଞପ୍ତି ଅନୁଯାୟୀ, କେବଳ ଓଡ଼ିଶା ନୁହେଁ, ବରଂ ଦେଶର ଅନ୍ୟ କେତେକ ପ୍ରମୁଖ ୬ଟି ରାଜ୍ୟରେ ମଧ୍ୟ ରାଜ୍ୟପାଳ ପରିବର୍ତ୍ତନ କରାଯାଇଛି। ସିକ୍କିମର ରାଜ୍ୟପାଳ ଓମ୍ ପ୍ରକାଶ ମାଥୁରଙ୍କୁ କେରଳର ରାଜ୍ୟପାଳ ଭାବେ ବଦଳି କରାଯାଇଛି। କେରଳର ରାଜ୍ୟପାଳ ରାଜେନ୍ଦ୍ର ବିଶ୍ୱନାଥ ଆର୍ଲେକରଙ୍କୁ ତାମିଲନାଡୁର ଦାୟିତ୍ୱ ଦିଆଯାଇଛି। ଦୁଷ୍ୟନ୍ତ ଗୌତମ ସିକ୍କିମର ନୂଆ ରାଜ୍ୟପାଳ ହୋଇଥିବା ବେଳେ ଡକ୍ଟର ସୁଧା ଯାଦବଙ୍କୁ କର୍ଣ୍ଣାଟକ ଏବଂ ଡକ୍ଟର ଧଲ ସିଂହ ବିସେନଙ୍କୁ ଉତ୍ତରାଖଣ୍ଡର ରାଜ୍ୟପାଳ ଭାବେ ନିଯୁକ୍ତି ମିଳିଛି।ରାଷ୍ଟ୍ରପତି ଭବନର ସୂଚନା ମୁତାବକ, ଏହି ସମସ୍ତ ନୂତନ ନିଯୁକ୍ତି ସେମାନେ ନିଜ ନିଜ ପଦବୀର ଦାୟିତ୍ୱ ଗ୍ରହଣ କରିବା ଦିନଠାରୁ ହିଁ କାର୍ଯ୍ୟକାରୀ ହେବ। ଏହି ଖବର ପ୍ରକାଶ ପାଇବା ପରେ ଓଡ଼ିଶାର ବିଭିନ୍ନ ମହଲରୁ ନବନିଯୁକ୍ତ ରାଜ୍ୟପାଳ ବ୍ରଜ ମୋହନ ରାମଙ୍କୁ ଶୁଭେଚ୍ଛାର ସୁଅ ଛୁଟିବାରେ ଲାଗିଛି। ଓଡ଼ିଶାର ନବନିଯୁକ୍ତ ରାଜ୍ୟପାଳ ଶ୍ରୀ ବ୍ରଜ ମୋହନ ରାମ ଜଣେ ଅଭିଜ୍ଞ ରାଜନେତା ଏବଂ … ସେ ପୂର୍ବରୁ ଲୋକସଭା ଭାବରେ ଜନସେବା କରିବାର ଅଭିଜ୍ଞତା ରଖିଛନ୍ତି। ରାଜ୍ୟର ସାମ୍ବିଧାନିକ ମୁଖ…
